رجيم و تخسيس

نظام تغذيه الام المرضعه السلميه بدون زياده الوزن

تغذية الام المرضع
الام المرضع تغذيتها مهمه جدا في المرحلة دي علشان هي بتكون بتعمل المعادلة الصعبة
تحافظ على وزنها من الزياده و كمان ماتقللش ادرار اللبن
اول حاجه تعمليها يا ست الكل
ماتسمعيش كلام حد يقولك انتي بتاكلي لاتنين وتلاته وجو الجمعيات اللي بالنفر ده
ابعدي عن الحلاوة الطحينية بالعسل و المفتئة و المغات و سد الحنك
الموضوع ابسط من كده بكتير انتي محتاجه سعرات حرارية ازيد من الطبيعي بتاعك ب 300 ل 500 سعر بحد اقصى
علشان الست بتبقي خايفه تتخن فا بتقلل اكلها وهي حامل يقوم اللبن يقل فا تاكل حلويات وسكريات وسعرات عاليه جدا يرجع اللبن يزيد وهنا تحصل الزياده المهوله في الوزن وتبدأ البطن تترهل وخصوصا السفلى ومانقدرش نلمها بسبب كم السكر اللي بيضخ يوميا في الجسم وتبدأ مقاومة الانسولين ترتفع وتخزين الدهون اليومي اللي يوصلك تزيدي بال 2 و ال 4 كيلو شهريا وعلى الفطام تكوني زدتي 20 كيلو على الاقل مع ان المفروض تخسي بسب استهلاك الرضاعه للسعرات الزياده.
الحل ايه بقى:

-مدرات اللبن و الحل السحري اولا واخيرا هو شرب الماء بكثرة من 10 ل 12 كوب على الاقل
-بغض النظر عن اي اكل بتاكليه اللبن في النهاية سائل ولو مفيش كميات كافية من الميه مفيش كميات كافية من اللبن , كبايه ميه مع كل رضعه ليها مفعول السحر.
-النوم الكافي مهم لاستعادة النشاط والجسم يستعيد طاقته لانتاج اللبن تاني
-الرضاعه المنتظمه يعني ادرار لبن منتظم رضاعة متقطعة يعني لبن اقل
-الشوفان حلو اوي اوي اوي افطري بيه وضيفي عليه حصتك اليومية من الفاكهة ومكعب شوكلاته دارك ومعاه زبادي واعتبريه الحاجه الحلوة في يومك
-اي خضار لونه اخضر مفيد بقدونس خس خيار بروكلي سبانخ جرجير خضار مش اقل من 3 مرات يوميا وبالمناسبه الخضار في نسبة كالسيوم اكبر ممما تتخيلي والميزه مافيهوش حجم السكر اللي موجود في الحليب مثلا اللي الناس معتقده ان اكبر مصدر للكالسيوم
-السمك صديقك الصدوق
-فاكهة مرتين يوميا
-حلبه ينسون سمسم كراوية شبت ممتازين
-طبعا اكل البروتين الكافي بيحفز انتاج الحليب بشكل كبير جدا
-الام اللي بتاكل عيش و رز وحلويات كتير بتفرز لبن كتير بس هاتتخن و الام اللي معتمده على البروتين و الخضار و الماء بتفرز نفس الكمية بصحة احسن وبدون زياده في الوزن بل وهاتنزل
بالنسبة للكافيين، الأحسن تقللي منه بقد الإمكان. فنجان كفاية قوي. مش لازم تمنعيه خالص لو بتحبيه ومحتاجاه وبيفرق معاكي ماهو مش هايبقى العيال وأبوهم وقلة المزاج كمان . وسهر بسهر يعني. بس خليه بعيد عن النوم ب 6 ساعات ويفضل يكون بعد الارضاع مش قبل.
مره او مرتين أسبوعيا تاكلي أي اكل ليكي نفس فيه بكميه صغيره مع الحفاظ على نظام اكلك الصحي هايحسن مزاجك ومطلوب .

نصيحة لكل زوج , مزاج مراتك اثناء فترة الرضاعة والحمل هايحدد مزاج المحروس ابنك على فكرة.

اخيرا لما الام بتاكل اكل مُصنع ومن الشارع وجانك فوود مليان زيوت مهدرجة ومتحولة وسكريات انتي حرفيا بتأذي طفلك حرفيا مش مبالغه .

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى