تخسيس منطقه البطن والارداف

تخسيس منطقه البطن و الوسط عند البنات

ممنوع خالص المشروبات الغازيه

ممنوع المقليات والوجبات السريعه ، الفاست فود لان فيها نسبه عاليه جدا من الدهون المشبعه وبتزود البطن جدا

حاولى تقللى النشويات ولازم العشا بليل يكون علبه زبادى ممكن معاهم فاكهه ما عادا الفاكهه الممنوعه طبعا

عشان الزبادى بيساعد فى الهضم

ممكن تشربى شاى اخضر معاه جنزبيل وقرفه بعد كل وجبه اوعى تشربيه على الريق لانه ممكن يسبب قرحه بالمعده لقدر الله

لازم تشربى من 6 : 8 اكواب مياه يوميا

حاولى تقللى الاملاح لانها بتخزن ميه بالجسم ( تقللي مش تمنعيها ) وهتلاقى نفسك زايده على الميزان وبرده حاولى تتحكمى فى كميه السكريات اللى هتدخل جسمك مسموح ليكى يوميا ب2معلقه صغيره سكر او معلقه كبيره عسل ابيض

ممكن تستبدلى الخبز الابيض بالخبز الاسمر (القمح ) هو تقريبا نفس عدد السعرات الحرارية ولكن فايدته اعلى للجسم مش عشان خبز دايت تاكلى كميه كبيره منه .

لازم يكون فى حركه بشكل يومى خلاف شغل البيت على الاقل مشى نصف ساعه اونزول و طلوع السلم لمده ربع ساعه متتاليه ده هيساعدك جدااا فى زياده الحرق .

نصيحه مهمه بلاش توزنى كل يوم لان انتى متخنتيش فى يوم عشان تطلبى من جسمك انه يخس فى يوم او اسبوع احيانا الجسم بيثبت فتره وبعد كده بيخس بمعدلات كبيره فلازم تتحلى بالصبر والاراده .

اهم واخر نقطه النسكافيه والكابتشينو المضاف عليهم كريمر كله دهون بيتخن البطن جداا ممكن تشربى نسكافيه بلاك بحليب خالى دسم وسكر دايت بس متكتريش عن مج واحد يوميا لانه بيسبب سرعه فى نبضات القلب وبيعمل مشاكل فى الضغط

Exit mobile version